Undersøkelse
Arbeids-EKG
Arbeids-EKG (elektrokardiogram) gir informasjon om hjertefunksjonen under belastning. Arbeids-EKG blir brukt for å vurdere fysisk kapasitet, vurdere hjertesykdom og eventuelt effekt av behandling.Henvisning og vurdering
For å få behandling i spesialisthelsetenesta treng du tilvising. Fastlegen er den som oftast tilviser. I nokre tilfelle kan anna helsepersonell tilvise deg, til dømes til biletundersøkingar (MR, CT eller røntgen). Når vi har fått tilvisinga, vil du få svar på om du har rett til behandling i spesialisthelsetenesta.
Før
- Du kan ete ein lett frukost. Unngå mat og tobakk dei siste to timane før testen. Du kan drikke vatn.
- Ta gjerne med lette treningsklede og joggesko.
- Dersom det ikkje er gitt anna beskjed skal du ta medisinane dine som vanleg undersøkingsdagen.
Under
Testen vert utført ved at du syklar på ergometersykkel eller går på ei tredemølle. Du skal halde mest mogleg jamt tempo under syklinga.
Kvart andre minutt aukar belastinga, slik at det blir tyngre å sykle. Blodtrykk blir målt jamleg. For at testen skal bli best mogleg, er det viktig at du ikkje stansar for tidleg.
Testen blir avslutta dersom du får smerter i brystet, eller vi finn teikn på at det er rett å stoppe.
Etter
Vi ser helst at du ventar ei stund etter testen før du reiser heim frå sjukehuset. Du får høyre resultata av testen og råd om kva som bør gjerast, og vi tar oss av den vidare oppfølginga.